HOT
រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បន្តដំណើរទៅមើលកសិដ្ឋានចិញ្ចឹមត្រីនៅខេត្តកំពង់ឆ្នាំងសមត្ថកិច្ចបង្ក្រាបករណីជួញដូរគ្រឿងញៀនឆ្លងដែន ចាប់ខ្លួនជនជាតិឡាវ ២នាក់ និងរឹបអូសគ្រឿងញៀនជិត ៥ គីឡូក្រាម នៅព្រះវិហារកម្ពុជា-សិង្ហបុរី បេ្តជ្ញាបន្តរួមគ្នាពង្រីកវិស័យការងារ និងបណ្តុះបណ្តាលធនធានមនុស្សរបស់កម្ពុជា ឲ្យកាន់តែប្រសើរឡើងសមត្ថកិច្ចខណ្ឌពោធិ៍សែនជ័យ ចុះបង្រ្កាបទីតាំងខារ៉ាអូខេផឹកស៊ីជនជាតិចិន និងខ្មែរ០២កន្លែង ល្មើសវិធានរដ្ឋបាលរាជធានីភ្នំពេញ និងវិធានក្រសួងសុខាភិបាលគ្រូបោក១គ្រួសារ ត្រូវបាននគរបាលខេត្តពោធិ៍សាត់ ឃាត់ខ្លួន ពីបទឆបោកប្រាក់ជាង៦០លានរៀល

ស្ថានភាពកាន់តែក្តៅ សមត្ថកិច្ចមីយ៉ាន់ម៉ាបាញ់សម្លាប់បាតុករ២នាក់ទៀត ខណៈបាតុកម្មកាន់តែពុះកញ្ជ្រោលខ្លាំងឡើង

អន្តរជាតិ៖យោងតាមការសារព័ត៌មានបរទេសបានឲ្យដឹងថា នៅថ្ងៃទី២៨ខែកុម្ភៈឆ្នាំ២០២១នេះ ប៉ូលិសមីយ៉ាន់ម៉ា បានបាញ់សម្លាប់ក្រុមបាតុករពីរនាក់ និងមានមនុស្សច្រើននាក់ទៀតរងរបួស នៅក្នុងការបង្ក្រាបបញ្ចប់បាតុកម្មប្រឆាំងនឹងរដ្ឋប្រហារយោធា។បើតាមការផ្សាយរបស់ Dawei Watch បានរាយការណ៍ថា យ៉ាងហោចណាស់មនុស្សម្នាក់បានសម្លាប់និងរាប់សិបនាក់ទៀតរងរបួស ដោយសារប៉ូលីសបើកការបាញ់ប្រហារនៅក្នុងទីប្រជុំជន Dawei នាព្រឹកនេះ។វេជ្ជបណ្ឌិតម្នាក់នៅឯមន្ទីរពេទ្យដែលសុំមិនបញ្ចេញឈ្មោះនិយាយថា ប៉ូលិសក៏បានបាញ់រះនៅទីក្រុង យ៉ាំងហ្គោន ហើយបណ្ដាលឱ្យបុរសម្នាក់ស្លាប់ ខណៈបញ្ជូនទៅមន្ទីរពេទ្យ។ នេះបើតាមការដកស្រង់ពីប្រព័ន្ធផ្សព្វផ្សាយ Mizzima បានរាយការណ៍។ស្របពេលគ្នានេះ ប៉ូលិសនិងអ្នកនាំពាក្យក្រុមប្រឹក្សាយោធាដែលកំពុងកាន់អំណាចមិនធ្វើការឆ្លើយតបទៅនឹងទូរស័ព្ទដែលសុំការអត្ថាធិប្បាយទេ។ដោយឡែក ប្រព័ន្ធផ្សព្វផ្សាយផ្សេងទៀតបានបង្ហាញថា ​មនុស្សជាច្រើននៅទីក្រុង យ៉ាំងហ្គោន មានឈាមហូរដាប កំពុងត្រូវបានគេជួយចេញពីការតវ៉ា។ក្រុមប្រព័ន្ធផ្សព្វផ្សាយមីយ៉ាន់ម៉ារាយការណ៍ថា ប្រជាជនច្រើននាក់ត្រូវបានបាញ់សម្លាប់ ប៉ុន្តែពួកគេមិនបានលម្អិតអំពីហេតុការណ៍នោះទេ។ដោយឡែក សាក្សីបានឱ្យដឹងថា ក្រៅពីការបាញ់ទៅលើអាកាសដើម្បីគំរាមបាតុករ ប៉ូលិសក៏បានគប់គ្រាប់បែកដៃ និងប្រើឧស្ម័នបង្ហូរទឹកភ្នែកថែមទៀត។មកទល់ពេលនេះ យ៉ាងហោចមានមនុស្ស ៥ នាក់បានស្លាប់នៅក្នុងបាតុកម្ម បូករួមទាំងប៉ូលិសម្នាក់ផងដែរ៕ដោយ៖សេរី